Zhegrova kryen stërvitjen me Juven, gati për duelin me Real Madridin

16:23 | 21 Tetor 2025
E.G

Sulmuesi kosovar, Edon Zhegrova, i është bashkuar stërvitjeve të Juventusit, pas shqetësimit që e la jashtë përballjes me Comon.

Ai mori pjesë në stërvitjen e fundit të skuadrës, të martën, përpara udhëtimit në Madrid, ku Juventusi do të përballet me Real Madridin në kuadër të xhiros së tretë të Ligës së Kampionëve.

Trajneri Igor Tudor pritet ta përfshijë Zhegrovën në listën për këtë ndeshje, megjithëse mbetet e paqartë nëse ai do të aktivizohet. Ndeshja zhvillohet të mërkurën nga ora 21:00 në ‘Santiago Bernabeu’.

Pas dy xhirove të para, Real Madridi ka 6 pikë falë dy fitoreve, ndërsa Juventusi ka regjistruar dy barazime dhe kërkon fitoren e parë.

Këtë sezon, Zhegrova ka vetëm një paraqitje në Ligën e Kampionëve për Juventusin, ku luajti vetëm tre minuta në barazimin 4-4 kundër Borussia Dortmundit, si dhe ka 33 minuta lojë në Serie A./rtk