Një koalicion paszgjedhor është arritur mes kandidatit për kryetar të Vushtrrisë nga Lidhja Demokratike e Kosovës, Xhafer Tahiri dhe kandidatit nga Lëvizja Vetëvendosje, Sylejman Meholli.

Në nënshkrimin e këtij koalicioni ka marr pjesë kryeministri në detyrë, Albin Kurti.

“Me datën 9 nëntor dhe le të punojmë jo për çdo ditë por për çdo orë që këtë marrëveshje për bashkëqeverisje që e bëmë sot ta realizojmë me bashkëqeverisje pas 9 nëntorit me kryetarin Sylejman Meholli dhe drejtorët të cilët do të bëjnë punë të mbara e të mira për qytetarët e Vushtrrisë pa dallim të cilën e duam shumë edhe ajo na do”, ka deklaruar Kurti.

LEXO EDHE:

LDK distancohet nga koalicioni i Xhafer Tahirit me LVV-në në Vushtrri: Veprim individual dhe i papranueshëm

LDK ka reaguar pas këtij arritjes së këtij koalicioni duke thënë se është bërë pa aprovimin e LDK.

Ndryshe sipas rezultateve zgjedhore në Vushtrri, VV mori 26.28% të votave, ndërsa LDK-ja 21.62%.

Megjithatë, më së shumti vota i ka fituar Partia Demokratike e Kosovës me kandidatin e saj, Ferit Idrizi, i cili mori 38.08% të votave./Arbresh.info