Krasniqi: Me Kurtin s’bëjmë kurrfarë lloj Qeverie në asnjë lloj opsioni, kot e dërgon kërkesën

18:00 | 15 Tetor 2025
Q L

Kreu i PDK-së, Memli Kransiqi, në konferencën për media të mbajtur sot është pyetur nëse ka ndonjë mundësi bashkëpunimi me Kurtin, mbase vetëm për ta krijuar një Qeveri të re sa për ta votuar buxhetin dhe për të shkuar në zgjedhje të reja pastaj me marrëveshje.

Megjithatë, Krasniqi ka thënë se s’ka kurrfarë komunikimi me LVV-në dhe Kurtin dhe këtij të fundit i ka thënë se kot e dërgon çfarëdo kërkese për punë të koalicionit, meqë PDK s’dëshiron kurrfarë qeverie me VV-në në asnjë lloj opsioni.

“S’kam kurrfarë komunikimi me VV-në. Spres kurrfarë kërkese. Kot e dërgon kërkesën se për këtë cështje as që diskutojmë me Albin Kurtin çfarëdo lloj qeverie në çfarëdo lloj opsioni. Kjo është e qartë nga 10 shkurti e ka thënë Bedri Hamza”, ka thënë Krasniqi