Ndahet nga jeta në moshën 80 vjeçare këngëtari dhe kompozitori korçar Nonda Kajno.

Kajno lindi në Korçë më 18 gusht 1945 dhe ndoqi studimet në Liceun Artistik “Tefta Tashko Koço”.

E nisi karrierën artistike në aktivitete kulturore lokale si interpretues i serenatës dhe këngës qytetare dhe më pas krijoi kompozime origjinale duke sjellë këngë të dashura për publikun.

“ Për ty o Korça ime”, “Ah sa të kam dashur”, Pra zgjohu vajza ime,” janë ndër krijimet e tij më të spikatura.

Kantautori Nonda Kajnon ishte një ndër serenatistët më në zë të këngës korçare. Ai mbetet i pari në historinë e Shqipërisë që në vitet 1970 që krijoi grupin e parë muzikor me 3 kitara që më vonë u përhap dhe në Tiranë.

Sipas tij, serenatat nuk mund të thuhet se janë të rrezikuara, sepse ato i mbajnë gjallë vetë korçarët.

“I mbajnë gjallë emigrantët kudo nëpër botë. Do të ishte më mirë që pushteti lokal të mos e linte në harresë këtë vlerë që ka Korça”, ka thënë Nonda Kajno./tar