Policia e Kosovës ka arrestuar mbrëmë një person të dyshuar lidhur me rastin e vrasjes në tentativë, që ndodhi më 23 prill 2025 në rrugën “Rexhep Krasniqi”.

I arrestuari është V. S., një 28-vjeçar, shtetas i Republikës së Kosovës, i cili ishte shpallur në kërkim nga autoritetet.

“Arrestimi i të dyshuarit; V. S, mashkull, 28 vjeç, shtetas i Republikës së Kosovës, i shpallur në kërkim, erdhi si rezultat i ndërmarrjes së veprimeve operativo-policore, në kuadrin e procesit hetimor të këtij rasti. Përderisa ndaj të dyshuarit policia vijon hetimin në drejtim të veprës penale Vrasja në tentativë, me aktvendim mbi ndalimin e personit të dyshuar, të nxjerrë nga ana e prokurorit të shtetit, të njëjtin e ka dërguar në mbajtje prej 48 orësh”, thuhet në njoftim./Arbresh.info