Universiteti i Prishtinës “Hasan Prishtina” ka nderuar me çmimin “Alumni Nderi i UP-së” Presidenten e Republikës së Kosovës, Vjosa Osmani-Sadriu, dhe Kryeministrin në detyrë, Albin Kurti.

Ceremonia është mbajtur në ambientet e universitetit, ku të pranishëm ishin drejtues të UP-së, profesorë, studentë dhe përfaqësues të institucioneve shtetërore, shkruan Arbresh.info.

Presidentja Osmani dhe kryeministri Kurti janë ish-studentë të Universitetit të Prishtinës, dhe ky nderim u bë për kontributin e tyre në avancimin e shtetit të Kosovës dhe promovimin e arsimit të lartë.

Të dy udhëheqësit u pritën me duartrokitje nga studentët, ndërsa falënderuan universitetin për vlerësimin dhe theksuan rëndësinë e arsimit publik si themel i zhvillimit shoqëror./Arbresh.info/