Kurti takon Torres: Synimet tona të pashpërqendruara për anëtarësimin e Kosovës në NATO dhe BE

11:03 | 1 Tetor 2025
E.G

Kryeministri në detyrë, Albin Kurti është takuar me Kongresistin Ritchie Torres.

Sipas njoftimit, ata diskutuan synimet për anëtarësimin në NATO dhe BE, shkruan Arbresh.info.

“Kosova ka dhe duhet gjithmonë ta ketë mbështetjen dypartiake në Shtetet e Bashkuara të Amerikës. Kongresisti Ritchie Torres është një zë i qartë nga radhët e Partisë Demokratike që e njeh mirë dhe promovon hapur përparimin dhe partneritetin e shtetit tonë. Në këtë takim të radhës, diskutuan për synimet tona të pashpërqendruara për anëtarësimin në NATO dhe BE, për planet dhe projektet investive në Kosovë dhe për sektorët premtues e plot potencial për zhvillim të vendit dhe bashkëpunim ekonomik me ShBA-të”, tha Kurti./Arbresh.info/