Interi ka arritur të shënoj fitore bindëse ndaj Slavia Prahas me rezultat 3-0, në kuadër të xhiros së dytë në fazën e ligës të Ligës së Kampionëve.

Kapiteni zikaltër, Lautaro Martinez hapi llogarinë e golave pas gjysmë orë loje, shkruan Arbresh.info.

Katër minuta më vonë, Denzel Dumfires dyfishoi rezultatin pas një asistimi nga Marcus Thuram.

Pjesa e parë u mbyll me këtë rezultat. Ndërkohë në etapën e dytë, skuadra e Chivus shënoi edhe golin e tretë.

Ishte kapiteni Martinez që realizoi sërish për t’i dhënë vulë fitores, pas asistimit nga Bastoni.

Deri në fund, gola nuk pati dhe Interi shënoi fitoren e dytë këtë edicion në Ligën e Kampionëve, kurse cekët do e kërkojnë triumfin e parë xhiron e radhës.

Inter pas kësaj fitore pozicionohet në pozitën e tretë me gjashtë pikë, kurse Slavia është e 26-ta me një sosh.

Duelin e radhës Interi e luan ndaj Royale Unionit, teksa Slavia takohet me Atalantan./Arbresh.info