Inter është rikthyer tek fitorja në Serie A, pas dy humbjeve radhazi ku e ka mposhtur Sassuolon me rezultat 2-1, në kuadër të rrethit të katërt.

Ndeshja nisi mirë për zikaltrit ku në minutën e 14-të, realizoi me anë të Dimarcos, shkruan Arbresh.info.

Me këtë rezultat u mbyll edhe pjesa e parë, teksa etapa e dytë ishte më dinamike.

Carlos Augusto dyfishoi epërsinë në minutën e 81-të. Por tre minuta më vonë, Sassuolo shënoi me anë të Cheddiras për ta ngushtuar rezultatin.

Dy minuta më vonë, Frattesi realizoi për Interin, por goli i tij u anulua për pozicion jashtë lojë. Deri në fund nuk pati raste tjera dhe Interi arkëtoi tre pikë të rëndësishme për rrjedhën e kampionatin.

Pas katër ndeshjeve Interi ka gjashtë pikë dhe është në vendin e 10-të, kurse Sassuolo është katër vende më poshtë me tri sosh.

Duelin e radhës skuadra e Chivus e luan në udhëtim tek Cagliari, kurse Sassuolo do të ketë punë me Udinesen./Arbresh.info