Erling Haaland thyen rekord historik në Ligën e Kampionëve

23:23 | 18 Shtator 2025
D.H

Sulmuesi i Manchester Cityt Erling Haaland është bërë lojtari më i shpejtë që shënon 50 gola në Ligën e Kampionëve.

Norvegjezi realizoi për Cityn në përballjen ndaj Napolit për t’i dhënë epërsinë skuadrës angelze.

Me këtë gol, Haaland arriti në kuotën e 50 golave në vetëm 49 ndeshje në Ligën e Kampionëve. Kësisoj, ai tejkalon rekordin e legjendës së Manchester Unitedit Ruud van Nistelrooy që kishte shënuar 50 gola në 62 paraqitje më 2007.

Haaland padyshim do të synojë që deri në fund ta thyejë rekordin e Cristiano Ronaldos, i cili mbetet golashënuesi më i mirë në historinë e Ligës së Kampionëve me 140 sosh.

City përndryshe është në epërsi prej 2:0 pasi gol shënoi edhe Jeremy Doku.

🚨 𝗥𝗘𝗖𝗢𝗥𝗗: Erling Haaland has now scored 50 goals in just 49 games in the Champions League.

He beats the record set by Ruud van Nistelrooy in 2007 – 50 goals in 62 games. 🤯 pic.twitter.com/pbKRaHYFKs

— Football Tweet ⚽ (@Football__Tweet) September 18, 2025