Sot, kryetari i Aleancës për Ardhmërinë e Kosovës, Ramush Haradinaj, u prit nga qytetarët në Obiliq.

Si kryeministër, Haradinaj theksoi se Obiliqi është shndërruar në një qendër të zhvillimit, me infrastrukturë moderne dhe shërbime cilësore për banorët.

“Ligji i posaçëm për Obiliqin nuk ishte thjesht një dokument, por një zotim për një trajtim të merituar për qytetarët e këtij qyteti”, tha Haradinaj.

Ai përmendi investimet në sheshe, shkolla, ndriçimin e rrugëve, si dhe kthimin e pronave të KEK-ut në pronë komunale, si projekte që mbajnë vulën e qeverisjes së tij dhe të Aleancës.

Haradinaj shprehu mbështetjen e tij për kandidatin e Aleancës për kryetar të Obiliqit, Ali Krasniqi, ekonomist me profesion dhe pjesëmarrës i Luftës Çlirimtare, duke theksuar se lista për asamble komunale përfaqëson vizionin dhe vendosmërinë për të çuar përpara zhvillimin e qytetit të energjisë./Arbresh.info