Musliu Shoshi: James Rubin në Hagë dëshmoi se lufta e UÇK-së ishte e drejtë dhe çlirimtare

12:58 | 15 Shtator 2025
E.G

Deputetja e Partsë Demokratike të Kosovës (PDK), Ariana Musliu Shoshi, ka reaguar pas dëshmisë së James Rubin në Gjykatën Speciale në Hagë, duke e cilësuar atë si një vulosje para botës se lufta e Ushtrisë Çlirimtare të Kosovës ishte e drejtë, çlirimtare dhe themel i shtetit të Kosovës.

Në një postim në Facebook, deputetja e PDK-së tha se asnjë gjykatë nuk mund ta rrëzojë të vërtetën e lirisë sonë.

“James Rubin me dëshminë e tij në Hagë po vulos para botës se lufta e UÇK-së ishte e drejtë, çlirimtare dhe themel i shtetit të Kosovës. Kjo është historia jonë, gjaku i dëshmorëve tanë, e ardhmja e fëmijëve tanë! Asnjë gjykatë nuk mund ta rrëzojë të vërtetën e lirisë sonë!”, ka shkruar ajo./Arbresh.info/