Federata e Futbollit të Spanjës është dorëzuar para Kosovës pasi nga faqja zyrtare e saj e ka fshirë postimin në të cilin me rastin e paralajmërimit të ndeshjes ndërmjet Kosovës U21 dhe Spanjës U21,  e vlefshme për kualifikimit në Euro 2027 për këto grumposha kishte shkruar se Spanja do të ballafaqohet me ‘Territori e Kosovës’, e jo Kosovës.

Një ditë më vonë, në faqen zyrtare të kësaj federata ky shkrim nuk ekziston fare pasi tashmë është fshirë, ndërsa në postimet e reja pas ndeshjes Kosovë-Spanjë, janë përdorur vetëm flamujt e të dy këtyre shteteve.

Kujtojmë se ndeshja e luajtur dje në “Fadil Vokrri”, midis këtyre dy kombëtareve u mbyll me rezultat 3-1 për “La Rojan”.

Postimi i Federatës së Futbollit të Spanjës, nxiti reagime të shumta në rrjet.

Edhe FFK-ja përmes një letre të dërguar në UEFA u ankua rreth kësaj çështje. Kjo nuk është hera e parë që Spanja e bën një gjë të tillë.

Mbetet të shihet nëse shtëpia më e madhe e futbollit në Evropë do të marrë masa./Arbresh.info