Kosova është mposhtur me rezultat 4-0 pas pjesës së parë nga Zvicra, sfidë e vlefshme për kualifikimet në Kupën e Botës të vitit 2026.

‘Helvetikët’ ia dolën që ta mbyllin çështjen e fituesit qysh në pjesën e parë duke shënuar që të gjithë golat.

Pas ndeshjes foli edhe ylli shqiptar i cili përfaqëson Zvicrën dhe njëkohësisht është edhe kapiten i tyre, Granit Xhaka.

“Kjo ishte pjesa e parë më e mirë qe një kohë të gjatë. Por pjesa e dytë nuk ishte e mirë. Nuk mundëm të gjenim ritmin tonë. Papritmas, filluam të bënim gjëra që nuk i kishim planifikuar. Nuk mund të jemi të kënaqur me pjesën e dytë. Pjesa e parë ishte pothuajse perfekte. Nëse do vazhdonim të luajmë ashtu, do të shënonim një gol të pestë, të gjashtë, të shtatë. Është për të ardhur keq që fituam vetëm 4-0”, tha Xhaka, shkruan Blick.

Xhaka foli edhe për ndjesinë e lojës ndaj Kosovës.

“Krejt bota e din se unë me zemër e me gjak jam shqiptar”, u shpreh Granit Xhaka në një intervistë tjetër./Arbresh.info