Manchester City nuk po kalon në formë të mirë këtë nisje të edicionit të ri në Premier League.

Pas humbjes javën e kaluar nga Tottenhami, skuadra e Guardiolës është mposhtur edhe nga Brightoni në javën e tretë të elitës së futbollit anglez, shkruan Arbresh.info.

Të drejtuarit e Hurzler mposhtën me rikthim ish-kampionin e Anglisë me rezultat 2-1.

Ndeshja nisi më mirë për mysafirët që shënuan me anë të Erling Haalandit në minutnë ne 34-të.

Me këtë rezultat u mbyll edhe pjesa e parë. Etapa e dytë pati një tjetër fytyrë me vendasit që dominuan dhe krijuan më shumë raste.

Në minutën e 67-të, Brightoni fitoi penallti ku në gol e konkretizoi ish-lojtari i Man Cityt, James Milner për 1-1.

Ndërkohë Brightoni nuk i ndali sulmet dhe një minutë para fundit përmes një super goli të futbollisti me prejardhje shqiptare Brajan Grudas e përmbysi rezultatin në 2-1.

Deri në fund gola tjerë nuk pati dhe Brightoni arriti fitoren e parë këtë edicion në elitë, gjersa për Man Cityn kjo është humbja e dytë me radhë.

Pas tri takimeve Brightoni ka katër pikë, kurse City një më pak. /Arbresh.info

🚨⚽️ GRUDA MAKES IT 2-1 BRIGHTON IN THE 89TH MINUTE!!! pic.twitter.com/T0WVQ1zRfT

— Brighton Bubble (@BrightonBubble) August 31, 2025