Presidenti serb Aleksandar Vuçiç nuk e ka mbështetjen e Perëndimit si më parë, tha për Radion Evropa e Lirë Daniel Serwer, profesor në Universitetin John Hopkins në SHBA.

“Ai është kthyer shumë qartë nga Moska dhe Pekini,” tha ai.

Një ekspert amerikan për Ballkanin hedh poshtë pretendimet e Vuçiçit se protestat antiqeveritare që zgjasin disa muaj në Serbi, të udhëhequra nga studentët, janë një përpjekje për një “revolucion me ngjyra” të organizuar nga jashtë.

“Vuçiç nuk ka askënd për të fajësuar përveç vetes”, beson Sever.

Duke komentuar deklaratën e Ministrisë së Punëve të Jashtme ruse në lidhje me protestat në Serbi, Server deklaron gjithashtu se Moska do të ushtrojë presion mbi Vuçiçin që t’i shtypë protestat.

“Me Vuçiçin dhe rusët, gjithmonë ekziston rreziku i përshkallëzimit ose shpërqendrimit nga një incident tjetër destabilizues në Kosovë”, thotë ai kur pyetet nëse ekziston rreziku i përshkallëzimit dhe ndikimit në stabilitetin rajonal.

Serwer i sheh protestat në Serbi si “një shenjë të sinqertë të pakënaqësisë popullore me punën e qeverisë”, por thotë se demonstruesit nuk duket se kanë krijuar një alternativë të qartë politike.

Ai deklaron se Uashingtoni dhe Brukseli nuk janë shumë të interesuar për protestat në Serbi, të cilat nisën pasi 16 persona u vranë në shembjen e tendës së betonit të Stacionit Hekurudhor të Novi Sadit, për të cilën demonstruesit fajësojnë korrupsionin dhe rindërtimin me cilësi të dobët të stacionit.

Serwer e shpjegon heshtjen mbizotëruese të zyrtarëve evropianë ndaj protestave në Serbi, të cilat kërkojnë gjithashtu zgjedhje të parakohshme parlamentare, me frikën nga alternativa.