Skandalet e tifozëve nuk kanë të ndalur as në Ligën e Kampionëve, një i tillë ndodhi të mërkuren e 6 gushtit në Poloni, në ndeshjen Lech Poznan – Crvena Zvezda, e vlefshme për rrethin e tretë kualifikues në kompeticion më prestigjioz në nivel klubesh.

Tifozët vendas polak kishin vendosur baner të mëdhenj anti-Kosovë, në këtë sfidë, duke e paraqitur vendin dardan si “pjesë të Serbisë”, shkruan Arbresh.info.

Kjo nuk i ka ikur shtëpisë më të madhe të futbollit evropian UEFA, e cila mori masa dhe dënoi ekipin polak me 10 mijë euro si pasojë e ati baneri të tifozëve.

Lidhur me këtë një ankesë në UEFA e kishte dorëzuar edhe Federata e Futbollit të Kosovës ditë më parë.

Tifozët e Lech Poznanit njihen për raporte të mira me “Delijen”, tifozët ultras të Zvezdas, ku madje edhe mbrëmë kishin udhëtuar në Beograd për të përkrahur skuadrën e tyre, në ndeshjen e kthimit. Mirëpo nuk u panë duke qëndruar së bashku.

Skuadre serbe siguroi play-offin e Ligës së Kampionëve duke i mposhtur polakët me rezultat të përgjithshëm 4-1./Arbresh.info