IKShPK jep këshilla për mbrojtje nga temperaturat e larta

12:02 | 10 Gusht 2025
E.H

Instituti Kombëtar i Shëndetësisë Publike të Kosovës (IKShPK) ka publikuar disa këshilla të rëndësishme për qytetarët, me qëllim që të mbrohen nga rreziku i temperaturave të larta që po mbretërojnë në vendin tonë gjatë kësaj vere.

Për të parandaluar dehidratimin, goditjen nga nxehtësia dhe probleme të tjera shëndetësore, IKShPK rekomandon:

Pini ujë rregullisht për të qëndruar të hidratuar.

Përdorni syze dielli me mbrojtje UV.

Aplikoni krem mbrojtës kundër diellit.

Vishni rroba të lehta dhe mbani kapelë.

Qëndroni në hije dhe shmangni ekspozimin në diell nga ora 11:00 deri në 17:00.

Mos lini fëmijët apo kafshët në automjete të parkuara.

IKShPK thekson se temperaturat e larta mund të jenë veçanërisht të rrezikshme për të moshuarit, fëmijët, personat me sëmundje kronike dhe ata që punojnë jashtë./Arbresh.info