KB Peja ka “goditur” natën e sotme duke prezantuar dy basketbollistët e parë të huaj brenda pak minutash.

Fillimisht pejanët zyrtarizuan basketbollistin 27-vjeçar, Tajh Green, i cili luan në pozitën e alo-qendrës, shkruan Arbresh.info.

Green ka kaluar karrierë në Britani të Madhe te skuadrat Newcastle Eagles dhe Manchester Giants, derisa vitin e fundit ai ishte pjesë e Artland Dragons në Gjermani.

Pas këtij, pejanët nuk u ndalën duke prezantuar edhe Dequan Morris.

Ai luan në pozitën 1 si organizator i lojës.

Morris ka ndërtuar karrierë impresive në Amerikë, Bullgari dhe për dy sezone radhazi në Zvicër ku luajti me mesatare 17.3 dhe 20 pikë për lojë përkatësisht në dy vitet e fundit.

Përveç këtyre dy transferimeve të huaja, më parë ish-kampionia e Kosovës, ka transferuar edhe Musab Malan dhe Malcolm Armsteadin./Arbresh.info