Shehi: Jam i kënaqur nga ajo çka prodhuam në fushë, tani duhet të përgatitemi për ndeshjen tjetër

23:12 | 7 Gusht 2025
D.H

Ballkani ka fituar ndeshjen e parë ndaj Shamrock Rovers me rezultat 1-0 në “Fadil Vokrri”, në kuadër të rrethit të tretë kualifikues për Ligën e Konferencës.

Pas ndeshjes trajneri i Ballkanit, Orges Shehi ka folur për media, ku u shpreh i kënaqur me lojën, shkruan Arbresh.info.

Mirëpo sipas tij ende nuk ka përfunduar asgjë, dhe kualifikimi do të vendoset në Irlandë.

“Jam i kënaqur nga situata nga ajo çka prodhuam në fushë. Futbolli është kështu. Jam i kënaqur me rezultatin dhe duhet të përgatitemi për ndeshjen tjetër. Kam thënë edhe në konferencë se do të jetë vetëm ndeshja e parë. Na mbetet të përgatitemi maksimalisht për ndeshjen kthyese”, ka thënë Shehi.

Ndeshja e kthimit luhet ditën e enjte me fillim nga ora 21:00./Arbresh.info