Skuadra shqiptare, njëkohësisht kampionia e Maqedonisë së Veriut, Shkëndija e Tetovës mbrëmë ka shkruar histori duke u kualifikuar në rrethin e tretë të fazës kualifikuese për Ligë të Kampionëve.

Tetovarët mposhtën FCSB me rezultat të përgjithshëm 3-1, shkruan Arbresh.info.

Në rrethin e tretë ata do të përballen me Qarabagun e Azerbajxhanit. Ndeshja e parë luhet në Shkup me datë 5 gusht, kurse një javë më vonë zhvillohet ndeshja e kthimit.

Skuadra e cila kualifikohet më tej arrin në play-offin e Ligës së Kampionëve, dhe do të jetë vetëm një hap larg inkuadrimit në garën më prestigjioze në nivel klubesh.

Tashmë janë bërë të ditur kundërshtarët potencial nëse Shkëndija e kalon këtë fazë. Skuadra fituese e këtij çifti do të jetë në vazon e ekipeve të pa favorizuara dhe do të përballen me kundërshtarë më të fortë.

Këta janë kundërshtarët e mundshëm të Shkëndijës së Tetovës nëse arrin të kualifikohet tutje:

Bodo/Glimt
Kopenhagen ose Malmo
Crvena Zvezda ose Lech Poznań
Ferencvaros ose Ludogorets
Celtic