Tash e disa kohë po raportohet nëpër rrjet për një transferim të mundshëm të yllit të Atalantas, Ademola Lookman tek Interi.

Një gjë të tillë e ka konfirmuar gjatë ditës së sotme edhe presidenti i klubit të Interit, Giussepe Marotta, shkruan Arbresh.info.

Marotta theksoi se kjo do të jetë java vendimtare për futbollistin nigerian.

“Kjo javë do të jetë vendimtare për marrëveshjen me Lookman”, deklaroi Marotta.

Ai më tutje theksoi se janë në bisedime me klubin dhe vetë lojtarin.

“Jemi në bisedime me Atalantën për Ademola Lookman, e duam, por gjithashtu respektojmë klubin e tij”, shoti tutje.

Për Marton nëse marrëveshje nuk arrihet brenda këtyre ditëve ata fokusin do ta largojnë nga Lookmani.

“Brenda 2-3 ditësh shpresojmë të ecim përpara dhe të mbyllim marrëveshjen. Nëse jo, do të fokusohemi në alternativa të tjera”, potencoi presidenti zikaltër.

27-vjeçari është pjesë e Atalantas që nga vitit 2022 kur u transferua nga Leicesteri, dhe u bë lojtar kyç i klubit, duke qenë vendimtar në triumfin e Europa Leagues, para një viti.

Ai ka një kontratë që e mban të lidhur me Atalantan deri në vitin 2027, ndërsa vlera e tij në treg sipas markës së specializuar për Transfermarkt është 60 milionë euro.

Në përgjithësi ai ka luajtur 118 ndeshje me këtë skuadër dhe ka realizuar 52 gola e 25 asistime./Arbresh.info