Kosova ka arritur të sigurojë medaljen e saj të parë në Festivalin Olimpik Veror Evropian për të Rinj (EYOF) “Shkupi 2025”.

Kjo medalje erdhi nga sporti i xhudos, falë një paraqitjeje të jashtëzakonshme nga xhudistja Enise Zijade, shkruan Arbresh.info.

Ajo garoi në kategorinë deri në 57 kilogramë, fitoi medaljen e bronztë, duke hyrë në histori si xhudistja e parë kosovare që fiton medalje në EYOF.

Enise fillimisht fitoi tri duelet e para, kurse u ndal në gjysmëfinale nga xhudistja gjermane, Jolina Reinhold.

Ajo mposhti më pas italianen Anita Comba në finalen për vendin e tretë.

Kjo është medalja e dytë në histori të pjesëmarrjes së Kosovës në EYOF, por e para për sportin e xhudos.

Enise Zijade u udhëheq nga trajnerja, Majlinda Kelmendi, ish-fituese e medaljes së artë olimpike./Arbresh.info