Deputeti i Lidhjes Demokratike të Kosovës, Avdullah Hoti ka reaguar pasi presidentja Vjosa Osmani e quajti “njeri jorelevant”.

Me anë të një postimi në Facebook, ai tha se Osmanit po i mbaron mandati 5-vjeçar në krye të shtetit të Kosovës pa asnjë rezultat e pa asnjë kontribut për shtetin e Kosovës, shkruan Arbresh.info.

Sipas tij, halli i Osmanit është se do të mbetet në histori si mashtruesja më e madhe e elektoratit djathtist të LDK-së.

“Po i mbaron mandati 5-vjeçar në krye të shtetit të Kosovës pa asnjë rezultat e pa asnjë kontribut për shtetin e Kosovës.
Pesë vite demagogji e mashtrime, të cilat po dalin sheshit. Pesë vite në shërbim të agjendës shtetrrënuese të bashkë-mashtruesit. Ky është problemi që ka Vjosa. Kjo e ka hallin se do të mbetet në histori si mashtruesja më e madhe e elektoratit djathtist të LDK-së.”, ka shkruar ai.

“Kjo e ka hallin se në prill e dorëzon mandatin dhe do të mbahet përgjegjëse dhe bashkëfajtore për rrënimin e reputacionit të shtetit të Kosovës dhe dëmet që i janë bërë e po i bëhen shtetit të Kosovës. Asnjë fjalë nuk e flet për vendimet e organeve të drejtësisë që konstatojnë uzurpimin e institucioneve nga LVV dhe partnerët e saj, përfshirë ish-partinë e saj Guxo.”, tha mes të tjerash Hoti./Arbresh.info

Osmani: Hoti është njeriu më jorelevant, me të cilin nuk dua të humbë asnjë sekondë