Drita shkroi histori në futbollin kosovar, duke u bërë skuadra e parë në Kosovë, që arrin ta kaloj fazën e parë të kualifikimeve për Ligën e Kampionëve.

Skuadra nga Gjilani fitoi ndaj Differdange 03 me rezultat të përgjithshëm nga dy ndeshjet 4:2, shkruan Arbresh.info.

Ndeshjen e parë një jave e fitoi në Prishtinë 1-0, kurse sonte vulën kualifikimit ia dha në Luksemburg me fitoren 2:3.

E më meritori në këtë sukses historik ishte Arb Manaj.

Manaj shënoi golin e vetëm të Dritës në Prishtinë, që i dha fitore shumë të rëndësishme dhe komoditet për ndeshjen e sotme.

Por ai nuk u ndal as sonte duke shënuar dy gola tjerë në fitoren 2:3. Manaj shënoi golin e parë dhe të dytë për skuadrën nga Gjilani, duke u bërë vendimtar në këtë kualifikim tutje.

Kurse golin e tretë e shënoi Veton Tusha.

Drita në rrethin e dytë të kualifikimeve do të takohet me gjigantin danez, Copenhagen. Ndeshja e parë do të luhet në Danimarkë me 22 korrik, kurse pas një jave takimi i kthimit në Prishtinë./Arbresh.info