Ka nisur seanca e shqyrtimit gjyqësor në çështjen penale ndaj Naim Murselit, Granit Plavëz dhe Kushtrim Kokallës të dyshuar për vrasjen e Liridona Ademajt.

Të dyshuarit janë sjellë në sallë nën masa të rrepta të sigurisë, ndërsa të pranishëm në seancë janë edhe familjarët e Liridona Ademajt.

Pritet që në këtë seancë të dëshmoj edhe vëllai i Liridonës, Leonard Ademaj.

Kujtojmë se në raportin e Institutit të Psikiatrisë Forenzike në vlerësimin psikiatrikë ndaj Naim Murselit thuhet se në momentin e kryerjes së krimit, Murseli ka qenë në gjendje të kuptojë veprimet e tij dhe pasojat që ato shkaktojnë.

Në raport theksohet se: “Tek i ekzaminuari Naim Murseli nuk është konstatuar ndonjë çrregullim mendor apo sëmundje mendore e karakterit të përkohshëm apo përhershëm”./Arbresh.info/