Rreth më shumë se një jave Arbresh.info ka raportuar ekskluzivisht, për rikthimin e Erdin Dushit tek Trepça ’89.

LEXO EDHE:

EKSKLUZIVE/ Erdin Dushi rikthehet tek Trepça ’89

Gjatë mbrëmjës së sotme, Trepça ’89 zyrtarizoi transferimin e Dushit, shkruan Arbresh.info.

Lajmi u bë i ditur përmes një postimi në rrjetin social Facebook.

Dushi edicionin e fundit ka luajtur tek Vushtrria, ku pati paraqitje të mira, teksa për 89-shin kjo nuk është aventura e parë me këtë klub, pasi u paraqit nga viti 2022 deri vitin e kaluar.

Ai më përpara ka luajtur edhe për Drenicën dhe Prishtinën.

NJOFTIMI I KLUBIT:

MIRË SE U RIKTHEVE, ERDIN DUSHI

Klubi Futbollistik Trepça’89 ka kënaqësinë të njoftojë rikthimin e ish-futbollistit tonë, Erdin Dushi, në familjen bardhezi.

Me përvojën e tij të çmuar, përkushtimin maksimal dhe shpirtin luftarak, Erdini do të jetë një shtyllë e fortë në repartin mbrojtës dhe një lider i padiskutueshëm në fushë, në misionin tonë për rikthimin në elitën e futbollit kosovar – Superligën.

Erdin Dushi:

“Jam shumë i lumtur që jam rikthyer aty ku e ndjej veten si në shtëpi. Jam plot motivim dhe i gatshëm të jap gjithçka për fanellën e Trepçës’89, me qëllimin e vetëm – kthimin në Superligë.”

Mirë se u ktheve në shtëpi!