Ministri në detyrë i Punëve të Brendshme, Xhelal Sveçla, ka vlerësuar lartë rolin dhe përgjegjësinë që marrin sot pjesëtarët e rinj të Policisë së Kosovës, gjatë ceremonisë së diplomimit të gjeneratës së 62-të, e cila u mbajt në Sallën e Rinisë dhe Sporteve në Prishtinë.

Ai theksoi se Policia e Kosovës është kthyer në shembull në rajon për sukseset në luftimin e formave të ndryshme të kriminalitetit dhe për bashkëpunimin ndërkombëtar.

“Kjo gjeneratë që jep betimin sot janë mbështetja dhe vizioni ynë i përbashkët që mbron qytetarët tanë. Ky fakt ngrit më shumë ndjenjën e përgjegjësisë. Policia jonë është shembull në rajon për sukseset ndërkombëtare për luftimin  e kriminaliteteve të ndryshme. Bashkë me krenarinë për mundësinë që u është dhënë nga sot ngarkoheni me përgjegjshmëri. Disiplina do të ju shërbejë ta mbushni  profesionin tuaj me nder dhe krenari. Ju duhet të udhëzoheni  nga ata të cilët jetën e tyre ja dhanë vendit tonë. Ne do të jemi krah jush. Qofshi shembulli më i mirë për tu ndjekur nga gjeneratat pas jush”, tha ai. /Arbresh.info