Sulmoi me shqelma zyrtarët policor, arrestohet 21-vjeçari në Kaçanik

08:36 | 1 Korrik 2025
E.H

Një 21-vjeçar është arrestuar në rrugën “Vëllezërit Çaka” në Kaçanik pasi dyshohet se ka sulmuar disa zyrtar policor.

Në njoftimin për media thuhet se i dyshuari ka goditur zyrtarët policor me shqelma në pjesën e këmbëve pasi të njëjtit po tentonin të arrestonin, përcjell Arbresh.info.

“I dyshuari është shoqëruar në stacionin policor në Kaçanik dhe pas intervistimit në prani të avokatit mbrojtës, ka pranuar veprën penale për të cilën ngarkohet. Po ashtu, ai ka pranuar se posedonte dy thika që janë gjetur në veturën e tij”, thuhet në njoftim.

Lidhur me rastin është njoftuar prokurori i shtetit, i cili ka autorizuar hetuesit rajonalë të ndërmarrin të gjitha veprimet hetimore dhe ka urdhëruar ndalimin e të dyshuarit B.M, 21 vjeç, për 48 orë.