Sulmuesi suedez Viktor Gyökeres ka shpërthyer kundër klubit të tij aktual, Sporting Lisbonës, duke i bërë të qartë se nuk ka asnjë qëllim të rikthehet në stërvitje apo të luajë më për klubin portugez.

Sipas gazetarit të njohur italian, Fabrizio Romano, lojtari ndjehet i tradhtuar dhe i lodhur, pasi presidenti i Sporting deklaroi se 70 milionë euro nuk mjaftojnë për kartonin e tij, shkruan Arbresh.info.

Pavarësisht marrëveshjes së mëparshme për klauzolën e largimit, presidenti i Sportingut nuk pranon asnjë ofertë për super sulmuesin suedez nën 70 milionë euro.

 

View this post on Instagram

 

A post shared by Fabrizio Romano (@fabriziorom)

Gyökeres i ka kërkuar klubit të respektojë marrëveshjen për kushtet e largimit, ndërsa tensionet mes palëve po rriten nga dita në dit.

27-vjeçari  është pjesë e Sportingut nga viti 2023, teksa një kontratë që e mban të lidhur me këtë klub deri në vitin 2028, andaj edhe largimi i tij është i vështirë pa e paguar kartonin e tij.

Për suedezin janë interesuar shumë klube të njohura evropiane si Arsenal, Manchester United, Juventusi, Napoli. Interes pati edhe nga Arabia Saudite, ku Al-Hilal e Al-Ittihad shprehën intres për të.

Vetëm në këtë sezon ai ka realizuar 52 gola dhe 13 asistime në 54 ndeshjet e luajtura në të gjitha garat./Arbresh.info