“Beteja” mes kryesisë së Trepçës dhe tifogrupit “Torcida”, po vazhdon në forma të ndryshme tash e disa kohë.

Që nga dështimi për inkuadrim në Superligën e Kosovës, “Torcida” ka nisur aksionet kundër kryesisë së Trepçës, pasi këta të fundit nuk i kanë përmbushur premtimet e dhëna, shkruan Arbresh.info.

Premtimi kryesor ka qenë inkuadrimi në Superligë këtë edicion mirëpo edhe ky sezon i ri që do të nis Trepçën do ta gjej në Ligë të Parë.

Tifogrupi nga Mitrovica është duke protestuar në çfardo forme të mundshme kundër tyre, siç kemi raportuar edhe ditë më parë.

E kjo nuk u ka pëlqyer fare kryesisë së Trepçës, që tashmë janë duke përdorur faqen zyrtare të klubit që t’i kundërvihen Torcidës.

Me profilin zyrtar të klubit, shihen disa komente si më poshtë:

Pas kësaj “Torcida” ka dal me një reagim në rrjetin social Facebook, ku e kanë cilësuar si poshtërim dhe degradim të klubit.

“Kjo kryesi ka dështuar në çdo aspekt: sportiv, menaxherial dhe moral. Dhe në vend që të japin dorëheqje për degradimin që i kanë sjellë klubit, tani po përdorin edhe faqen zyrtare të klubit për të kërcënuar tifozët, përfshirë edhe anëtarët tanë”

“Ky është kulmi i poshtërimit dhe dëshmon përfundimisht fytyrën e vërtetë të kësaj kryesie – të paaftë për të ngritur klubin, por të gatshëm të sulmojnë ata që e duan dhe e mbrojnë Trepçën me zemër”, shkruhet ndër të tjera në reagim.

Tutje “Torcida” thekson se nuk do të ndalet deri në largimin e tyre.

“Trepça është e qytetit, jo e një grushti individësh të sëmurë pas pushtetit. Ju do të largoheni, me ose pa dëshirën tuaj”, përfundon reagimi i tyre./Arbresh.info