Jose Mourinho ka zhvilluar një telefonatë direkte me Jadon Sancho, duke i prezantuar vizionin dhe projektin ambicioz që ka me Fenerbahçen, në përpjekje për ta bindur anësorin anglez që të transferohet në Stamboll.

Sipas raportimit të gazetarit, Ben Jacobs, Fenerbahçe është e gatshme të paraqesë një ofertë prej 15 milionë paund për Manchester United, për të siguruar shërbimet e Sanchos, shkruan Arbresh.info.

Napoli gjithashtu e ka Sanchon fort në radar dhe do të zhvillojë bisedime me kampin e tij këtë javë.

Sancho është i hapur për t’u bashkuar me kampionët e Serie A, të cilët kanë mundësitë financiare për të bërë një marrëveshje të shpejtë – që është edhe preferenca e qartë e Manchester United.

Manchester United në dy sezonet e fundit e ka huazuar 25-vjeçarin, ndërsa këtë vit synon ta shes kartonin e tij. Në sezonin 2023/24, Sancho u huazua tek Dortmundi, kurse edicionin e fundit ai luajti tek rivalët e Manchesterit, Chelsea./Arbresh.info