Mbrojtësi i Liverpoolit, Ibrahima Konate do të hyjë këtë sezon në vitin e fundit të kontratës së tij tek Liverpooli.

Sipas të famshmes angleze, “The Guardian”, mbrojtësi francez ka refuzuar ofertën e parë të Liverpoolit për të rinovuar kontratën e tij.

Gjithnjë sipas tyre kjo ka çuar në bllokim të negociatave midis dy palëve, mes frikës brenda klubit për përsëritjen e skenarit të Alexander-Arnold, i cili u largua për në Real Madrid këtë verë.

Lojtari ka shprehur pakënaqësinë e tij me strukturën e ofertës së re, ndërsa përfaqësuesit e tij po kërkojnë një pagë bazë më të lartë.

Gazeta sqaroi se Liverpooli shtyu negociatat me Konate gjatë sezonit të kaluar, duke u përqendruar në vend të kësaj në rinovimin e kontratave të Mohamed Salah dhe Virgil van Dijk, të dy prej të cilëve kanë nënshkruar tashmë marrëveshje të reja në prill, përpara se të zhvendoste vëmendjen tek e ardhmja e mbrojtësit francez.

Raporti konfirmoi se dështimi për të arritur një marrëveshje me Konate këtë verë mund ta vendosë Liverpoolin në një pozicion të vështirë.

Shpesh është raportuar se Real Madridi e ka synim transferimin e francezit.

Konate iu bashkua Liverpoolit në verën e vitit 2021 nga Leipzigu, dhe në sezonin e parë nuk gjeti hapësirë të madhe, mirëpo me kalimin e kohës ka ndërtuar një tandem të frikshëm në qendër të mbrojtjes së bashku me Virgil van Dijkun./Arbresh.info

? Ibrahima Konaté has REJECTED Liverpool’s contract renewal offer and he is now stalling in negotiations.

(Source: Guardian) pic.twitter.com/U2k0hnPCRt

— Transfer News Live (@DeadlineDayLive) June 23, 2025