Nuk ndalet “bomberi” nga Shkupi, Asani sot me gol dhe asistim për Gwangjun

17:06 | 22 Qershor 2025
D.H

Jasir Asani vazhdon shkëlqimin tek skuadra e tij Gwangju në Korenë e Jugut.

Futbollisti nga Shkupi sot ishte protagonisti kryesor në barazimin 2-2 ndaj Daejonit në kuadër të xhiros së 20-të, në kampionatin korean, shkruan Arbresh.info.

Ai fillimisht shënoi në minutën eë 56-të, për t’i dhënë epërsinë skuadrës së tij.

Teksa edhe asistoi në golin e dytë, për ta rikthyer avantazhin në 2-1. Mirëpo kjo paraqitje fenomenale e tij nuk mjaftoi për t’i marrë tri pikët, pasi skuadra e tij pësoi edhe një gol dhe u ndal me barazim 2-2.

30-vjeçari shënoi golin pestë dhe asistimin e parë këtë edicion me klubin në 17 ndeshje të luajtura në kampionati.

“Bomberi” shkupjan lidhet me një transferim të mundshëm në Japoni këtë merkato./Arbresh.info