Trepça ’89 ka filluar të mendojë për sezonin e ri, ku e pret një punë e vështirë për t’u inkuadruar në Superligën e Kosovës.

Ata kanë filluar të ndërtojnë skuadrën për sezonin e ri dhe fillimisht kanë vazhduar marrëveshjen e bashkëpunimit me “boshtin” kryesorë të skuadrës, shkruan Arbresh.info.

89-shi gjeti gjuhën e përbashkët për vazhdimin e kontratave, me kapitenin Milazim Bajraktari dhe sulmuesin Ardian Hasani.

Të dy futbollistët do të vazhdojnë të jenë pjesë e “xehetarëve” deri në vitin 2028.

Kështu ka bërë të ditur vetë klubi përmes një postimi në rrjetin social Facebook.

Dy futbollistët kanë kaluar në ekipin e parë nga gjeneratat e reja të skuadrës, dhe në dy-tri vitet e fundit janë lojtarët kryesorë të klubit.

Sezonin e kaluar, dyshja kontribuoi me 24 gola dhe 20 asistime./Arbresh.info