Federata e Futbollit të Kosovës bën të ditur se futbollisti Veldin Hoxha do të jetë pjesë e kombëtares së Kosovës.

Përmes një postimi në rrjetin social Facebook, FFK e ka zyrtarizuar si prurje të re Hoxhën, shkruan Arbresh.info.

Siç bën me dije FFK ai do të jetë pjesë e “Dardanëve” nga ndeshjet e radhës.

Hoxha ka qenë pjesë e Kroacisë U21 ku ka luajtur gjithsej 24 ndeshje me ta dhe ka realizuar tre gola.

Gjithashtu ai ka qenë pjesë e grupmoshave të reja të Kroacisë.

Pozita e tij është mesfushor defanziv dhe është 22-vjeçar. Që nga viti 2024 është pjesë e Rubin Kazanit në Rusi.

Kurse më përpara ka luajtur për Rijekan në Kroaci. Këtë sezon ka zhvilluar 36 ndeshje dhe ka shënuar katër gola.

Padyshim që kjo prurje e forcon edhe më shumë mesfushën e Kosovës, ku vitet e fundit ka çaluar mirëpo me ardhjen e disa futbollistëve tjerë është në nivel./Arbresh.info