Pjetër Kaza, viktima e sotme i vrarë në Tale të Lezhës është vëllai i Agustin Kaza, i cili është vrarë më 28 prill 2024 në Belgjikë. 44-vjeçari ishte duke pirë kafe në një lokal shqiptarësh në rrugën Joseph Brand, në Schaerbeek, kur u qëllua disa herë në kokë dhe kraharor.

Më datë 7 Janar të vitit 1994 në qytetin e Rrëshenit ishte vrarë shefi i Krimeve, Ndue Kaza. Ai dyshohet se u qëllua me armë zjarri në mes të qytetit nga Dod Gjini dhe Augustin Gjini, të cilët pas ngjarjes u arratisën.

Në vitin 1997, shtetasi Martin Kaza, i dënuar me 22 vite burg, ka vrarë për hakmarrje në qytetin e Laçit, vëllezërit Dod Gjini dhe Augustin Gjini, të cilët kanë qenë autorët e dyshuar të vrasjes se vëllait të tij në vitin 1994.

Viktima punonte në minierën e Spaçit dhe rreth orës 1 ka qene duke u kryer në shtëpi. Ai është qëlluar në oborrin e shtëpisë, ndërsa është gjetur vetëm pa shenja jete sot në mëngjes nga bashoshortja./abcnews.al