Kryetari i Komunës së Prishtinës, Përparim Rama, ka reaguar pas protestës së punëtorëve të Kompanisë Regjionale të Pastrimit “Pastrimi”, të cilët u grumbulluan para objektit të komunës për të shprehur pakënaqësinë e tyre lidhur me kushtet e punës dhe pagesat.

Në një deklaratë publike, Rama tha se Kryeqyteti është i angazhuar prej kohësh për zgjidhjen e problemit me grumbullimin e mbeturinave, duke e cilësuar grumbullimin e punëtorëve si të panevojshëm dhe me prapavijë politike.

“Ka kohë që Kryeqyteti është angazhuar për zgjidhjen e situatës së krijuar me mbeturinat në Kryeqytet. Prandaj, konsiderojmë se grumbullimi i punëtorëve të KRM “Pastrimi” para objektit të Komunës është i panevojshëm. Keqpërdorimi i tyre për qëllime politike nga menaxhmenti është i papranueshëm dhe nuk duhet të vazhdojë. Siç ju kemi njoftuar, Kryeqyteti ka nënshkruar kontratën me Kompaninë Regjionale të Pastrimit, në vlerë prej 1.5 milion euro, për mirëmbajtjen dhe pastrimin e hapësirave publike në qytet. Presim nënshkrimin e kësaj kontrate edhe nga Kompania Regjionale “Pastrimi”, me qëllim që punëtorët t’i kthehen punës dhe angazhimit të tyre në Kryeqytet”, tha ai./Arbresh.info

LEXO EDHE:

Kryeqyteti nënshkruan kontratën 1.5 milionëshe për vazhdimin e punës së KRM “Pastrimi” – Pritet finalizimi edhe nga ana e ndërmarrjes

Punëtorët e “Pastrimit” në grevë para Komunës së Prishtinës

Punëtorët e “Pastrimit” në grevë para Komunës së Prishtinës