Minatorët e Kishnicës dhe Artanës në grevë, shkak pagat

12:55 | 21 Maj 2025
E.K

Minatorët e Artanës dhe të Kishnicës janë në grevë që nga e marta e kaluar.

Arsyeja e këtij veprimi sindikal është mosmarrja e pagave.

Kështu ka deklaruar kryetari i Sindikatës së Minierës së Artanës, Blerim Imeri.

“Po, nga java e kaluar, nga dita e martë minatorët kanë hyrë në grevë shkaku i mosmarrjes së pagave. Domethënës, të dy ndërrimet janë në grevë”, deklaroi ai.

“Një takim e ka pasur kryeshefi me mbikëqyrësit dhe ka thënë se i ka dërguar kërkesë ministrisë dhe sipas tij pagat dalin maksimumi për të marten e kaluar, por ato s’kanë dalur ende dhe punëtorët e kanë vazhduar grevën”, theksoi Imeri për Klankosova

“Ende nuk dihet se kur do të dalin pagat”, tha kryetari i Sindikatës së Minierës së Artanës, Blerim Imeri.