Osmani publikon fotografi nga Samiti në Tiranë, krahas liderëve botërorë: Zëri i Kosovës është i pranishëm dhe i domosdoshëm

13:27 | 16 Maj 2025
E.K

Presidentja e Kosovës, Vjosa Osmani, ka publikuar disa fotografi nga pjesëmarrja e saj në Samitin e liderëve të Komunitetit Politik Evropian, i cili ka nisur sot në Tiranë.

Në një postim në rrjetet sociale, Osmani thekson rëndësinë e pjesëmarrjes së Kosovës në këtë platformë evropiane, duke nënvizuar se kjo është hera e gjashtë që Kosova merr pjesë në këtë format.

“Sot në Tiranë filloi Samiti i liderëve të Komunitetit Politik Evropian. Pjesëmarrja jonë e gjashtë në këtë samit është dëshmi se zëri i Kosovës është i pranishëm, i domosdoshëm dhe kontribues në platformat ku diskutohen sfidat e përbashkëta dhe vendoset për të ardhmen e kontinentit tonë”, tha ajo./Arbresh.info