Konstituimi i Kuvendit të Kosovës përsëri dështoi, duke shënuar dështimin e 13-të radhazi

10:32 | 9 Maj 2025
E.K

Ka dështuar përsëri, për herë të 13-të radhazi, konstituimi i Kuvendit të Kosovës.

Deputetët e betuar të Legjislaturës së Nëntë të Kuvendit, më 9 maj, nuk i dhanë sërish mbështetje propozimit të Lëvizjes Vetëvendosje për votim të fshehtë në zgjedhjen e kryetares së Kuvendit të Kosovës.

Edhe në seancën e sotme, Dehari ka propozuar votim të fshehtë.

Partitë opozitare kanë qëndruar në pozitat e tyre dhe kanë kundërshtuar votimin e fshehtë, duke e quajtur atë në kundërshtim me rregulloren.

Kryesuesi Dehari ka kërkuar nga partitë që të propozojnë kandidatët për anëtarë të komisionit votues për votimin e fshehtë.

Kësaj radhe, për formimin e komisionit ishin 56 deputetë për e një kundër.

Seanca e radhës do të mbahet më 11 maj në orën 10:00./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm

sq sq