Osmani përkujton Betejën e Çabratit në 26-vjetorin e saj: Piedestal i qëndresës dhe lavdisë

13:21 | 7 Maj 2025
E.K

Presidentja e Kosovës, Vjosa Osmani, ka përkujtuar sot 26-vjetorin e Betejës së Çabratit, një nga përballjet më të rëndësishme të Ushtrisë Çlirimtare të Kosovës gjatë luftës së fundit.

Osmani e cilësoi këtë betejë si “piedestal të qëndresës dhe lavdisë”.

“Në ballë të historisë, aty ku gjaku i lirisë u bë flamur, qëndruan vajzat dhe djemtë e Brigadës 137 “Gjakova”, të Ushtrisë Çlirimtare të Kosovës. Me zemër e besë, ata mbrojtën Gjakovën nga barbaria e regjimit gjenocidal serb. Në atë betejë të lavdishme ranë heroikisht 26 luftëtarë të UÇK-së, u vranë mizorisht afër 100 banorë dhe u rrëmbyen me dhunë mbi 300 të tjerë. Çabrati është betim për liri, kujtesë e përhershme dhe thirrje për drejtësi”, tha ajo./Arbresh.info