Deputeti i LDK-së, Armend Zemaj ka kritikuar Ministrinë e Shëndetësisë për rritjen drastike të çmimit të barnave.

Me anë të një postimi në Facebook, Zemaj shkroi se medikamenti “Travazol” do të kushtonte 1.51 euro mirëpo sot ky medikament sipas tij kushton 4.83 euro, shkruan Arbresh.info.

“Pasurimi në emër të pacientit është i pafalshëm. Qeveria – Ministria e Shëndetësisë na premtoj se medikamenti “Travazol” do të kushtonte vetëm 1.51 euro. Sot, çmimi është 4.83 euro. Ky është vetëm një nga shumë rastet që mbi 40% e barnave kanë pësuar rritje të çmimeve, shumë prej tyre ekstreme. Po flas për këtë sepse pati jehonë mediatike, pati premtime të drejtpërdrejta. Dhe asgjë nuk u mbajt” ka shkruar Zemaj.

Sipas Zemajt, keqpërdorimi është evident

“Kjo qeveri ne ikje e ka rritur varfërinë. E ka vështirësuar jetën e pacientit dhe të çdo qytetari. Kur një prind nuk ka mundësi të blejë një krem për fëmijën e vet, kur një i moshuar detyrohet të zgjedhë mes bukës e barnave – kjo nuk është më dështim, është padrejtësi. Shëndeti është e drejtë, por për qeverinë në ikje është biznes. Qytetarët meritojnë dinjitet, jo mashtrim”, shtoi tutje ai./Arbresh.info