Ukraina godet bazën ajrore ruse në Kursk, të paktën 20 të vdekur

20:12 | 21 Prill 2025
D.H

Shtabi i Përgjithshëm i ushtrisë ukrainase ka njoftuar se kanë arritur me sukses të kryejnë një sulm mbi bazën ajrore ruse në Kursk, aty nga ku ngriheshin në ajër dronët që përdoreshin në luftime në Ukrainë.

Gjatë 19 prillit, forcat ajrore ukrainase goditën me sukses bazën ajrore ruse në afërsi të fshatit Tiotkino në rajonin e Kurskut, nga ku rusët lançonin dronët.

Kjo bazë u përdorë nga rusët për trajnim, pajisur dhe lançuar dronët që vazhdimisht bombardojnë pjesë të ndryshme të Ukrainës.

Ukrainasit gjithashtu njoftuan se në këtë sulm janë vrarë të paktën 20 operatorët rusë të dronëve, që ishin brenda objektit që ishte shënjestër e tyre.

“Ky sulm është kundërpërgjigje për veprime e forcave pushtuese kundër ushtrisë tonë”, u tha në kumtesën e ushtrisë ukrainase./abcnews.al