Emilja Rexhepi e “godet” Duda Baljen lidhur me kërkesën e kësaj të fundit për formimin e një komune boshnjake

18:15 | 20 Prill 2025
E.G

Deputetja e zgjedhur nga komuniteti boshnjak në Kosovë, Emilja Rexhepi, ka thumbuar me fjalë deputetën e zgjedhur nga i njëjti komunitet, Duda Baljen, lidhur me kërkesën e kësaj të fundit për formimin e komunës boshnjake.

Rexhepi në një intervistë në ‘Infokus’ ka thënë se nga subjekti politik i saj nuk janë nga politikanët që vendosin kushte e më pas ndryshojnë qëndrime.

“Nuk jemi nga ata politikanë që vendosim kushte, për komuna apo për çfarëdo tjetër, e pastaj të ndryshojnë qëndrimet e tyre.

Ne jemi konstruktivë, duam formimin e institucioneve dhe duam të ndërtojmë një Kosovë më të mirë së bashku me shqiptarët, me të gjitha partitë e tjera politike dhe me të gjitha komunitetet e tjera kombëtare”, ka thënë ndër të tjera ajo.