Kryetari i Mitrovicës, Bedri Hamza ka vizituar ish-presidentin Hashim Thaçi dhe ish-kryeparlamentarin Kadri Veselin, të cilët po mbahen në paraburgim në Hagë.

Me anë të një postimi në Facebook, Hamza shkroi se Thaçin dhe Veselin i gjeti të fortë dhe i la me shpresën se e vërteta e luftës do të triumfoj, përcjell Arbresh.info.

Postimi i plotë:

Edhe një herë në Hagë për t’i vizituar presidentin Thaçi dhe kryetarin Veseli. I gjeta të fortë dhe i lashë me plot shpresë se e vërteta e luftës sonë çlirimtare së shpejti do të triumfojë. Me qëndrueshmërinë e tyre, me besimin e palëkundur në drejtësinë, në Kosovën tonë dhe aleatët tanë, ata vazhdojnë të jenë frymëzim për të gjithë ne.

E vërteta historike, ajo që populli ynë e ka përjetuar, padyshim se do të rikonfirmohet edhe në Hagë.

Kosova, me padurim, tanimë është duke i numëruar javët dhe ditët e rikthimit të tyre, me bashkëluftëtarët e tyre, në mesin tonë./Arbresh.info