Pas shumë vitesh, Kosova së fundi pati dy njohje.

Në kuadër të njohjeve të shtetësisë së Kosovës kishte rënë një “heshtje” totale, e dukej sikur askush më s’po tentonte as të përafronte situatën për t’u njohur shtetësia e Kosovës.

E pikërisht në kuadër të kësaj, ishte ish-ministri Behgjet Pacolli i cili zgjodhi që të bëjë gjithçka në mënyrë që të siguronte njohjen nga shteti i Kenias, shkruan Lajmi.net.

Njohja nga shteti i Kenias ishte mëse e mirëseardhur për Kosovën, në një situatë të krijuar në lidhje me këtë çështje tejet të rëndësishme.

E përpos kësaj, dy ditë më parë shtetësinë e Kosovës e njohu edhe Sudani.

Në lidhje me këto njohje pati reagime të shumta- ku natyrisht krerët e shtetit mundoheshin që secili nga ta të marrë meritat në lidhje me këto njohje.

E derisa dy njohje iu shtuan Kosovës, duket se vetë Ministria e Punëve të Jashtme nuk po i njeh ato.

Në ueb-faqen e ministrisë saktësisht aty ku figurojnë të gjitha shtetet që kanë njohur shtetësinë e Kosovës tashmë- nuk janë vendosur ende Kenia dhe Sudani.

Njohja e fundit aty është ajo nga Izraeli e bërë më 1 shkurt 2021.

Lista e njohjeve