Pacolli: Mirënjohje për të gjithë ata që iu përgjigjën pozitivisht ftesës së Fondacionit për të ndarë së bashku iftaret

21:20 | 25 Mars 2025
E.G

Ish-Presidenti, Behgjet Pacolli ka falënderuar të gjitë ata që iu përgjigjën pozitivisht ftesës së Fondacionit “Behgjet Pacolli”për të ndarë së bashku iftaret e këtij muaji të shenjtë.

Me anë të një postimi në Facebook, ai tha se është kënaqësi që sheh kaq shumë njerëz të bashkuar në frymën e solidaritetit dhe dashurisë, shkruan Arbresh.info.

“Me zemër plot mirënjohje, dua të falënderoj të gjithë ata që iu përgjigjën pozitivisht ftesës së Fondacionit “Behgjet Pacolli”për të ndarë së bashku iftaret e këtij muaji të shenjtë. Është kënaqësi të shoh kaq shumë njerëz të bashkuar në frymën e solidaritetit dhe dashurisë. Sonte ishte iftari i 25-të i shtruar, do të vazhdojm deri diten e fundit. Zoti na e pranoftë agjërimin dhe lutjet tona! Qoftë një Ramazan i begatë për të gjithë!”, ka shkruar ai./Arbresh.info/