Qytetarët e Kosovës me vendbanim në Gjermani më nuk do të regjistrohen si shtetas të Serbisë.

Kështu ka bërë të ditur ambasadori i Kosovës në Gjermani, Faruk Ajeti.

Ajeti me anë të një postimi në Facebook, tha se për 17-vjet regjistrimi i qytetarëve të Kosovës në Gjermani është bërë në mënyrë të padrejtë dhe të gabuar, shkruan Arbresh.info

“Më shumë se 17 vite, qindra e mijëra qytetar të Kosovës janë regjistruar me automatizëm në komunat Gjermane, në mënyrë të padrejtë dhe të gabuar si shtetas të Serbisë. Si rezultat i punës dhe angazhimit tonë diplomatik, ky problem i pazgjidhur dhe i trashëguar prej vitesh nga sot do të marr fund. Në vazhdën e përpjekjeve tona të pandërprera dhe komunikimet e shumta me institucionet gjermane, përkatësisht me kancelarinë federale, kemi kërkuar që shtetasit të Kosovës të regjistrohen vetëm si shtetasit e saj dhe assesi të mos evidentohen më edhe si shtetas të Serbisë”, tha Ajeti.

“Jo vetëm 16 lëndë gjermane por edhe mbi 5200 qendra të regjistrit civil në krejt Gjermaninë, e kanë pranuar tashmë një qarkore nga Ministria Federale e Punëve të Brendshme të Gjermanisë ku janë njoftuar për këtë ndryshim të rëndësishëm për shtetasit e Kosovës”, tha Ajeti.

Ndër të tjera, ambasadori kosovar u ka bërë thirrje qytetarëve nga Kosova me vendbanim në Gjermani e që janë të prekur nga ky fenomen, t’u drejtohen organeve kompetente që të korrigjojnë dokumentacionet./Arbresh.info

Për më shumë detaje, shiko videon më poshtë: