Federata e Basketbollit e Kosovës (FBK) njofton se gjyqtari vendor, Visar Bunjaku është licencuar nga FIBA si Instruktor i Gjyqtarëve në vendin tonë.

Konfirmimi ka ardhur nga Departamenti i Operacioneve të Gjyqtarëve të FIBA-s, që ka njoftuar FBK-në për licencimin e gjyqtarit Visar Bunjaku, si Instruktor i Gjyqtarëve, duke përfunduar me sukses rikualifikimin e FRIP Nivelit 1 dhe do të vazhdojë të mbajë kualifikimin e tij (me prioritet për të punuar në nivel kombëtar).

Gjyqtari Visar Bunjaku ka përfunduar me sukses pesë (5) vlerësime online për të marrë rikualifikimin e FRIP L1:

1. Parapërgatitje / OBR2024
   B. Parapërgatitje / IOT & 3PO 2024
   C. Studim në shtëpi
   D. Studim në shtëpi / Njohuri mbi Basketbollin 2022
   E. Studim në shtëpi / Njohuri mbi Gjykimin 2024

Bunjaku është njëri ndër gjyqtarët më të dalluar në basketboll vitet e fundit./Arbresh.info